Video
Read full review
2012-08-09
525 views
呢日, 行程已定!!!!!!朝早至中午, 相約左一堆同事仔入東涌踩車車, 然後夜晚就去食海鮮!!!!Nice Gathering~~~~~~ YoYo = =v踩左全日單車, 都真係幾攰....................好在之前已經定好晒行程, 唔使再慢慢傾慢慢諗 =]交完車, 就向我地既最終目的地進發, 吼吼~雖然其中有個同事仔係住東涌既, 不過原來佢都未去過 = ="半搵半問之後, 終於見到我地想去一試既海鮮店!!其實位置都幾隱蔽, 經過一條小村, 再有一個碼頭, 夜晚周圍都係黑麻麻, 都真係幾難搵........去到之後, 小店門口就有一隻小艇, 小艇既每一格都係唔同既生勾勾海鮮 =)先搵位坐好, 跟住我就同個同事仔出去睇野食.....睇下問下計下之後, 我地揀左:- 清蒸鮑魚仔- 清蒸xx魚 (老板娘介紹, 古怪名, 唔記得左 = =")- 辣酒花螺- 豉椒蟶子- 清炒西蘭花- 白灼海蝦- 芥菜肉片湯揀好餸, 就乖乖坐低洗碗筷.....全埸滿坐, 所以等左大約 10-15 分鐘先有得食......好肚餓耶!!!還好, 呢餐無令我地失望~清蒸鮑魚仔: 味道鮮甜, 無蒸過火
朝早至中午, 相約左一堆同事仔入東涌踩車車, 然後夜晚就去食海鮮!!!!
Nice Gathering~~~~~~ YoYo = =v
踩左全日單車, 都真係幾攰....................
好在之前已經定好晒行程, 唔使再慢慢傾慢慢諗 =]
交完車, 就向我地既最終目的地進發, 吼吼~
雖然其中有個同事仔係住東涌既, 不過原來佢都未去過 = ="
半搵半問之後, 終於見到我地想去一試既海鮮店!!
其實位置都幾隱蔽, 經過一條小村, 再有一個碼頭, 夜晚周圍都係黑麻麻, 都真係幾難搵........
去到之後, 小店門口就有一隻小艇, 小艇既每一格都係唔同既生勾勾海鮮 =)
先搵位坐好, 跟住我就同個同事仔出去睇野食.....睇下問下計下之後, 我地揀左:
- 清蒸鮑魚仔
- 清蒸xx魚 (老板娘介紹, 古怪名, 唔記得左 = =")
- 辣酒花螺
- 豉椒蟶子
- 清炒西蘭花
- 白灼海蝦
- 芥菜肉片湯
揀好餸, 就乖乖坐低洗碗筷.....
全埸滿坐, 所以等左大約 10-15 分鐘先有得食......好肚餓耶!!!
還好, 呢餐無令我地失望~
清蒸鮑魚仔: 味道鮮甜, 無蒸過火, 肉質脆口, 讚!!!
清蒸xx魚: 好大條!! 肉好滑, 無咩骨, 好鮮味, 讚!!!
辣酒花螺: 夠辣!! 汁好好味, 熱呼呼, 螺好乾淨無沙, 讚!!
豉椒蟶子: 味道剛剛好, 唔太咸又唔太淡, 可惜間中有少少沙, 讚!
清炒西蘭花: 無特別, 不過西蘭花好新鮮爽脆, 讚!
白灼海蝦: 肉質結實又彈牙, 蝦味濃, 好新鮮, 讚!!!
芥菜肉片湯: 消暑之選, 肉片唔老又唔"鞋", 滑滑的, 用料好足, 大量芥菜同肉片, 又清又甜又好味, 讚!!!
估唔到..........攰死之後, 就係飽死!!! 哈哈哈~
Other Info. :
新鮮既海鮮, 清蒸永遠都係最鮮甜好味!!!
小店仲好貼心, 知道自己位置比較偏僻, 所以有專車接送!!!!
咁當然, 唔係車到你返屋企啦, 哈哈, 專車係去到東涌地鐵站, 感動~!!
(The above review is the personal opinion of a user which does not represent OpenRice's point of view.)
Post
