極之好粥麵茶餐廳 (Closed)

昨晚去旺角掛住行街，諗起要食飯時已經係11點，望見就近有間茶餐廳，就入去醫肚啦！佢門口放左好多出前一丁，店內又放左好多有關o既雜誌報導，咁唔試佢d炒出前一丁好似說不過去，原來諗住點都會有set呀，一丁麵餐呀之類的，點知無，唔……你$40蚊包一丁同野飲都有賺啦，傻o既。於是我地一行三人就淨係叫左2個炒出前一丁share喇。我地叫左金菇叉燒炒一丁同雞扒炒一丁。食落又的確幾好味bor, 炒得幾有鑊氣，麵身幾爽，軟硬適中，而且條條都有沾到醬汁，幾好。但係我嫌o的麵碎左o的o的，好難夾。至於配菜方面，青椒、蘿蔔絲的份量的確係比較多，好在青椒都算夠甜夠軟身，唔會同一丁太contrast，但係又能提升口感，okay 呀。不過呢，我見o條金菇仲lung住根部灰灰的泥樣物體，感覺好唔乾淨，下次將根部切去的時間切得高少少，同埋切乾淨o的啦，唔好為左o的minor野失分嘛。總括黎講，行得累累地想食消夜，又唔食得多的話，依度都okay架！但係如果想係度食飽飽，我諗每個人都要五六十蚊左右，我諗得會俾多十蚊去o的座得舒服o的的食肆吧！