Video
Read full review
2017-12-16
162 views
最近實在太多新開嘅茶飲店，試極都未試完，有好幾間都係主打珍珠，其中呢間【茶樂】喺咁多間之中，係最近我的，因為喺附近番工。上個月初已經試左，不過而家先有時間寫幾隻字，果日係週四晚上，冇記錯都係喺社交平台見到有人分享，我先知呢個位有間茶飲店。其實位置上都唔錯，話哂都係路邊，行呢邊一定會經過，不過招牌就唔多亮眼，黑底白字，真係有人介紹先知8點半鐘黎到，都有幾個客人，店員就唔係話太主動去介紹產品，我地睇左陣餐牌，揀黎揀去都未決定。佢地選擇都多，有純茶、冬瓜茶、益力多、奶蓋、果汁、鮮奶系列、冰雪、奶茶等，價錢同一般茶飲店差不多，都係12-26蚊左右。另外配料要加錢配，有多款口味嘅珍珠、椰果、仙草、紅豆、奶蓋、oreo，4-6蚊不等。奶茶用純蔗糖製作，糖度、冰度可以自選。奶蓋手作珍珠奶茶 - 櫻花珍珠揀黎揀去揀左呢杯，中杯24蚊，大杯加兩蚊，正常人都會點大杯，爭兩蚊，因此想點單嘅時候，店員話【冇哂大杯】lol，證明大家都係正常。至於珍珠，一開頭我係想揀焦糖、火龍果珍珠，睇左咁耐，埋去點單又再挫敗，店員話【得番櫻花珍珠】lol，咁我浪費咁多時間揀咩，哈哈。前面有兩位客人嘅情況下，我等左十分鐘，可以接
上個月初已經試左，不過而家先有時間寫幾隻字，果日係週四晚上，冇記錯都係喺社交平台見到有人分享，我先知呢個位有間茶飲店。
其實位置上都唔錯，話哂都係路邊，行呢邊一定會經過，不過招牌就唔多亮眼，黑底白字，真係有人介紹先知
8點半鐘黎到，都有幾個客人，店員就唔係話太主動去介紹產品，我地睇左陣餐牌，揀黎揀去都未決定。
佢地選擇都多，有純茶、冬瓜茶、益力多、奶蓋、果汁、鮮奶系列、冰雪、奶茶等，價錢同一般茶飲店差不多，都係12-26蚊左右。
另外配料要加錢配，有多款口味嘅珍珠、椰果、仙草、紅豆、奶蓋、oreo，4-6蚊不等。奶茶用純蔗糖製作，糖度、冰度可以自選。
奶蓋手作珍珠奶茶 - 櫻花珍珠
揀黎揀去揀左呢杯，中杯24蚊，大杯加兩蚊，正常人都會點大杯，爭兩蚊，因此想點單嘅時候，店員話【冇哂大杯】lol，證明大家都係正常。
至於珍珠，一開頭我係想揀焦糖、火龍果珍珠，睇左咁耐，埋去點單又再挫敗，店員話【得番櫻花珍珠】lol，咁我浪費咁多時間揀咩，哈哈。
前面有兩位客人嘅情況下，我等左十分鐘，可以接受，等待係我最擅長的事。
到手後只顧快速影左張相，然後就起步行番公司，期後問題來了。
我層奶蓋呢？------------單顯示奶蓋手作珍珠奶茶，實物係手作珍珠奶茶……
因為第一次飲，就冇特別自選冰、甜度，按店家標準來，奶茶奶味重，茶味一般，同大部分嘅台式飲品一樣。
幸好甜度唔算太過，我仍然飲得下，但如果點其他例如焦糖珍珠嘅，我諗最好都係少糖。
冇得揀嘅情況下試左櫻花珍珠，睇番係佢地自家製的，質素都ok，幾煙韌，而且幾好咬；櫻花味本來就唔會自然得去邊。
試其他味道應該會好啲。
好了，主要就是吐糟，我層奶蓋不見了。
Post
