丸作食茶 (德民街) (Closed)

近排天氣真係好悶熱，連帶心情都好差，今日食完lunch又去買杯台式野飲消下暑。上次飲過黑芝麻珍珠綠拿鐵幾好飲，今次諗住買杯芋頭拿鐵加珍珠，可惜芋頭無貨，最後買左杯丸仨冬瓜檸檬，估唔到都有驚喜。檸檬夠酸好醒神，入面有三款珍珠，分別係白色既白玉丸、粉紅色既仙人掌丸同黃色既焦糖丸，仙人掌丸真係第一次食，未試過喺其他飲品店見過，所以都幾特別，另外白玉丸同焦糖丸微甜，三款珍珠都好煙韌好彈牙，最緊要係咁既天氣飲杯冰凍既飲品真係好透心涼，希望下次可以試到芋頭拿鐵加珍珠啦。