焱手工涮涮鍋 (Closed)

打邊爐最重要一定是湯底，很早期朋友已經介紹呢間火鍋店，湯底十足，食材新鮮，今日終於有機會去試下。麻辣湯底係我至愛，另外再叫一個美人鍋，湯底一到，已經聞到麻辣香味，真係好足料，所有麻辣配料滿滿一整鍋，美人鍋更香，有半隻烏雞，桃膠，忍唔住要飲幾啖。鍋底中間仲有一個火焰蜆，蜆肉非常新鮮，點火後睇住佢慢慢爆開，即刻食，鮮甜可口。火鍋料加錢要了封門牛柳，牛味香濃，店員介紹封門牛柳牛味較重，另外仲可加錢配手切Prime肥牛，店員介紹比一般肥牛更滑，由於我地得兩個人，唯有下次再試。另外有一個海鮮併盤，係火鍋店每日有不同安排，今次我地有超大聖子，貴妃蚌，有魚，蝦，非常新鮮甜美。仲有佢地自家製嘅手工牛肉丸，黑松露餃子，蝦滑，墨魚磚，肉丸釀冬菇，可見店主好有心思。雖然我地叫套餐，但其他火鍋料都好新鮮，份量每款都夠兩個人，兩人火鍋每款都可以試下，真係好選擇。