皇帝雞 (Closed)

老闆娘好好人好Nice，好好笑容。見到OpenRice咁多好評，想食好耐，點知...叫咗個中份醬油炸雞。見住佢喺廚房入邊一大兜炸定嘅雞，以為佢會返炸先上菜，點知係直接加落啲醬炒下就算。所以啲雞係完全淋哂加唔熱。叫咗中份，份量都足嘅加咗三條年糕。啲雞就冇骨嘅，比較細舊，雞脾肉，所以都滑，但完全唔脆，仲要凍哂嘅炸雞，真係接受唔到。叫咗醬油味，個醬汁其實調得幾好味，唔會太鹹甜甜地好開胃。但係真係冇下次。