K-Palace

Open Now

Now Closed

朋友話K-palace係韓國人主理，醬油蟹非常出色。行開附近，朋友又想食韓國野，就去呢度晚飯。位置幾闊落，有梳化位，呢晚得一個男店員，用簡單英文或韓文溝通，落餐時先發現我地三個都唔食生蟹，哈哈哈！韓國菜我較在意係小碟，尤其泡菜；但可惜呢度泡菜唔夠酸唔夠辣只得咸，芽菜不夠麻油香，蘿蔔不夠酸，不是我喜歡嘅味道。魚餅湯係預期味道，有個有趣嘅位，因為鍋唔係㷫住，上枱時有2條貌似生嘅小唐菜，唔知點解會掛係個鍋邊？？？海鮮蔥煎餅嘅海鮮無腌過，所以無咩味道，純粹食魷魚個爽口感，因為粉漿比例較多，味道主要係來自表面煎香嘅蔥同附上醬汁去提味。無骨韓式豬手味道尚可，連生蒜，青陽辣椒同辣蘿蔔，再點點大醬，以新鮮生菜包住一齊食，好有層次，口感滿滿。坐得舒服，但今餐整體同預期有點落差，味道亦相對下偏淡，可能真係主打醬油蟹吧。