Video
Read full review
2021-10-10
49 views
古早蛋糕店開到周圍都係，但質素真係好參差，上星期同朋友喺深水埗cafe hunt後見到呢間擺滿連豬裝飾嘅小店(睇蛋糕上嘅印就知佢咩料啦)，門口有位客人話由屯門遠道而黎買蛋糕，就想試吓係咪咁好食。老闆娘見我左望右望就主動介紹是日口味，仲話買兩底蛋糕可以喺深水埗站交收，加少少錢其他站都送。另外門口貼左幾十款其他口味，其中一款叫百潔布，原來係斑蘭黑松露蛋糕再灑上海苔粉，幾有創意，想指定款式可提早預訂~
🍽紫薯古早蛋糕 ($60)
老闆娘特登掀開蛋糕底畀我睇，話佢地嘅蛋糕以水浴法製成，主打“黃金邊＋黃金底”，即係唔會燶底或過乾。返到屋企一打開個盒已經聞到好濃蛋香，口感濕潤而且空氣感十足。餡料係用新鮮紫薯壓成蓉，味道天然亦無渣。店家有時仲會推出巨無霸款，即係有兩層或三層餡料，可以早一日留意ig公佈。🍽泰式奶茶古早蛋糕 ($60)呢款係秋冬限定，推出無幾耐，期間限定總係特別吸引，奶茶味純粹靠茶包出味，所以唔會有人工甜味，細嚐會有淡淡茶香，濃茶控覺得可以再重手啲，呢款仲可以夾栗子或紅豆餡。整體黎講口感同蛋香都令人滿意，屋企人話同喺台灣淡水食到嘅古早蛋糕口感相近，一致好評，下次會想試下鹹蛋肉鬆芝士同芋
🍽紫薯古早蛋糕 ($60) 老闆娘特登掀開蛋糕底畀我睇，話佢地嘅蛋糕以水浴法製成，主打“黃金邊＋黃金底”，即係唔會燶底或過乾。返到屋企一打開個盒已經聞到好濃蛋香，口感濕潤而且空氣感十足。餡料係用新鮮紫薯壓成蓉，味道天然亦無渣。店家有時仲會推出巨無霸款，即係有兩層或三層餡料，可以早一日留意ig公佈。
🍽泰式奶茶古早蛋糕 ($60)
呢款係秋冬限定，推出無幾耐，期間限定總係特別吸引，奶茶味純粹靠茶包出味，所以唔會有人工甜味，細嚐會有淡淡茶香，濃茶控覺得可以再重手啲，呢款仲可以夾栗子或紅豆餡。
整體黎講口感同蛋香都令人滿意，屋企人話同喺台灣淡水食到嘅古早蛋糕口感相近，一致好評，下次會想試下鹹蛋肉鬆芝士同芋泥～
款式：
Post
