咖啡亭 (Closed)

雖然訂左位，但入座時比較混亂，都要啲時間安排入座。坐位比較窄，人手比較少，收碟速度未如理想，有時返到埋位，舊碟仲係度。我很喜歡食蝦蟹，一份鱈場蟹腳係大型超市都賣2百幾，黎到呢度淨食蟹腳都回本，蟹腳鮮甜帶有天然海水味，正！難得不斷REFILL都係貴價的鱈場蟹腳，無話轉到其他款式的蟹腳。蠔是即叫即開，衛生、安全，我唔食得蠔，不過朋友話唔錯！都食左3轉。雖然款式不多，但貴精不貴多，而且不停REFILL，食到你唔食為止。喜歡佢用雪柜儲存甜品，待你選取後，職員從雪櫃拎俾你，衛生、整齊、夠凍！木糠布甸正，芝士蛋糕香濃，桂花榚清甜，tiramisu則麻麻地。