Video
Read full review
2020-06-23
60 views
上星期喺 社交平台見到食友同屋企人去咗深井「裕記」食燒鵝，見到隻燒鵝賣相好靚，不但色澤均勻，而且外皮挺直，非常吸引。講起上嚟，其實我都有好多年無去深井食燒鵝了，皆因地點偏遠，著實令人有點卻步。幸好早兩日上網搵到呢間位於尖沙嘴亞士厘道的「裕。鵝莊」。據說餐廳是「裕記大飯店」的年輕副線，唔使山長水遠去深井都可以食到「裕記」燒鵝，今晚就一於過去買外賣。原來餐廳地方都幾大，保守估計應該有 2 千多呎，用餐區設有方檯和圓檯，另外亦有不少卡座，很適合後生一族與三五知己聚餐。問店員拿了餐牌，店子除咗有招牌名物燒鵝供應外，還有一系列特色粵菜。研究完一輪後，點了燒鵝下莊 ($190)、香煎蓮藕餅、生炒臘味糯米飯同柚子青檸骨。原來餐廳而家外賣自取有 8 折優惠，真係有意外驚喜。回家後第一時間先吃燒鵝，鵝髀肥瘦適中，肉質軟嫩，雖然已經隔了一段時間才吃，但仍然皮脆甘香，一咬漏汁，加上脂肪經燒製後逼出油份，入口啖啖肉又唔肥膩，蘸少許酸梅醬一起品嘗，風味甚佳。至於呢個香煎蓮藕餅 ($88)，外表看起來雖是有點平實，但食落原來好有驚喜，是用手剁豬肉、粗條蓮藕、冬菇粒和蝦米等煎成，絕對係真材實料，吃起來口感挺而不實，
講起上嚟，其實我都有好多年無去深井食燒鵝了，皆因地點偏遠，著實令人有點卻步。幸好早兩日上網搵到呢間位於尖沙嘴亞士厘道的「裕。鵝莊」。
據說餐廳是「裕記大飯店」的年輕副線，唔使山長水遠去深井都可以食到「裕記」燒鵝，今晚就一於過去買外賣。
原來餐廳地方都幾大，保守估計應該有 2 千多呎，用餐區設有方檯和圓檯，另外亦有不少卡座，很適合後生一族與三五知己聚餐。
問店員拿了餐牌，店子除咗有招牌名物燒鵝供應外，還有一系列特色粵菜。研究完一輪後，點了燒鵝下莊 ($190)、香煎蓮藕餅、生炒臘味糯米飯同柚子青檸骨。原來餐廳而家外賣自取有 8 折優惠，真係有意外驚喜。
回家後第一時間先吃燒鵝，鵝髀肥瘦適中，肉質軟嫩，雖然已經隔了一段時間才吃，但仍然皮脆甘香，一咬漏汁，加上脂肪經燒製後逼出油份，入口啖啖肉又唔肥膩，蘸少許酸梅醬一起品嘗，風味甚佳。
至於呢個香煎蓮藕餅 ($88)，外表看起來雖是有點平實，但食落原來好有驚喜，是用手剁豬肉、粗條蓮藕、冬菇粒和蝦米等煎成，絕對係真材實料，吃起來口感挺而不實，鮮爽甘香又不太油膩，用來送飯佐酒皆宜。
另外呢盒柚子青檸骨 ($98) 分量亦唔野少，足足有 6 大件，而且件件都好有睇頭，富光澤又夠厚肉，肉質好鬆化，食落帶柚子嘅清香和青檸嘅微酸，令人胃口大開！
生炒臘味糯米飯 ($108) 好耐無食過糯米飯，呢個真係唔錯，糯米粒粒香甜，夠企身又唔會黏作一團，做得十分對辦。臘肉、臘腸切得頗厚身，有口感而不死鹹，帶淡淡玫瑰露香又不過肥，加上甘香的蝦米、蛋絲同微鹹香脆的花生，夠曬惹味。其實餐牌仲有好多特色小菜，下次有機會會同屋企人嚟試下堂食。
Post
