裕鵝莊 (Closed)

今日行過亞士厘道，見到燒味飯，好似幾正，就入去試下。坐得舒服嘅，唔迫，比起一般茶餐廳黎講算有裝修，應該可以叫餐廳，唔係茶餐廳。讚一讚杯茶，小麥茶？大麥茶？ 係好飲嘅，比起一般餐廳杯茶有誠意，唔係一般紅茶。粉葛湯好濃、好甜，飲得出夠曬火喉，飲完之後又無口渴。重有好多燉湯，下次可以試吓。叉燒太瘦啦，有點乾，可能因為我無叫肥叉啦。燒鵝keep到深井水準，油脂豐富甘香，皮脆肉嫰，燒鵝髀啖啖肉。梅菜扣肉好入味，豬肉肥瘦適中，唔會話咬落成口油，就禁食可能有少少咸，送飯一流。尖沙咀黎講價錢唔算貴啦，下次行開呢頭都會再食。