深井陳記燒鵝茶餐廳 (Closed)

行入街市時,見到呢間陳記櫥窗內好多燒鵝,住係屯門幾十年,日日經過深井,但深井燒鵝竟然未食過,今次就買番半隻($90)咬下先;一路坐車一路聞到燒鵝香,好鬼吸引!!返到屋企打開盒蓋,的確幾大隻鵝!肉質好厚,可能係汁既問題,所以成隻鵝好夠味,可惜係太新鮮入盒關係,返到屋企皮已經淋左。服務方面,斬鵝師傅好盞鬼,師傅拎住一隻鵝問我要呢隻好唔好??(好好~~)斬完之後,阿師傅話:呢隻鵝好食呀!!d骨軟架!! =p 另外一位哥哥就好細心,將d盒吉兩個洞洞方便透氣。另外呢度d酸梅醬幾好味,難怪前面位人客要好多包,下次再買我都會一樣要求多幾包!