agnès b. LE PAIN GRILLÉ (Closed)

星期日約左朋友仔去銅記行街，行到好攰，想搵間餐廳食飯兼休息下，咁岩見到 agnes LPG 仲有位，間格又唔錯，就走入去。一入到去，侍應服務態度真係一流，招呼好周到，禮貌好到加零一。點左個白酒忌廉汁煮青口，意外地十分好食。白酒同忌廉嘅味道好match 好濃郁好creamy，但又唔會搶左青口嘅鮮味，青口嘅烹調時間亦較得剛剛好，唔會好un，成舊橡筋咁。好食 個薯條都唔差，雖然唔係厚切，但熱辣辣脆卜卜已經搭夠第二樣就點左個龍蝦紅菜頭蜜糖芥末漢堡。依個包都幾健康，個包加入左竹炭成份，入面有紅菜頭添。個龍蝦煙煙un un ，加埋個芥末醬就令到個龍蝦味就更加出，鐘意食burger 嘅朋友仔真係要試下。