Video
Read full review
2024-09-25
1122 views
朋友去過呢間餐廳話性價比都幾高，而且有7不收費，都幾公道👍。🫖鴨屎香 (鳳凰單叢)係潮汕嘅名茶，有着清香獨特嘅花香味，仲免收茶位。🍟小食免費嘅餐前小食肚臍餅， 餓餓地飲住茶食件餅都唔錯。🥢金獎潮鹵水拼盤$128有鵝肉、鵝頸、鵝翼、鵝紅、鹵水蛋及卷章(即潮汕豬肉卷)，鹵水味做得唔錯，口味清香，入味得嚟又唔鹹，鵝肉肉質細嫩不失口感，鵝頸滑溜，鵝翼比較有嚼勁，鵝紅嫩滑唔腥，鹵水蛋流芯剛好，卷章爽彈。🥢金不換南澳魷魚$128 用砂鍋盛載，熱辣辣上枱，滋滋聲好有氣氛，金不換味道夠哂濃郁，魷魚爽口又Q彈。🥢酸菜炒肥腸煲$88 肥腸煲與熱爐一齊上，keep住個肥腸熱辣辣好正；其實本身係朋友想食，而唔食肥腸嘅我都算係一大挑戰，不過食落又真係唔錯👍，質地Q彈得嚟又帶爽口，而且又唔算好肥，配埋酸菜一齊食更加滋味，果然係下飯菜😋。 🥢潮汕七樣菜$68亦係煲上熱辣辣，不同款式嘅菜共冶一爐，唔油膩都幾健康。🥣達濠魚丸湯$48魚丸夠爽口，鮮蝦雖然唔算大隻，但係都好鮮甜爽彈。🥣紫菜牛丸湯$48牛丸夠曬彈力，而且牛味香濃，配合紫菜湯，飲完更開胃。餐廳唔算大，但係都坐得幾舒服。餐廳唔收加一、餐前小食及茶錢，唔算貴得嚟又
🫖鴨屎香 (鳳凰單叢)
係潮汕嘅名茶，有着清香獨特嘅花香味，仲免收茶位。
🍟小食
免費嘅餐前小食肚臍餅， 餓餓地飲住茶食件餅都唔錯。
🥢金獎潮鹵水拼盤$128
有鵝肉、鵝頸、鵝翼、鵝紅、鹵水蛋及卷章(即潮汕豬肉卷)，鹵水味做得唔錯，口味清香，入味得嚟又唔鹹，鵝肉肉質細嫩不失口感，鵝頸滑溜，鵝翼比較有嚼勁，鵝紅嫩滑唔腥，鹵水蛋流芯剛好，卷章爽彈。
🥢金不換南澳魷魚$128
用砂鍋盛載，熱辣辣上枱，滋滋聲好有氣氛，金不換味道夠哂濃郁，魷魚爽口又Q彈。
🥢酸菜炒肥腸煲$88
肥腸煲與熱爐一齊上，keep住個肥腸熱辣辣好正；其實本身係朋友想食，而唔食肥腸嘅我都算係一大挑戰，不過食落又真係唔錯👍，質地Q彈得嚟又帶爽口，而且又唔算好肥，配埋酸菜一齊食更加滋味，果然係下飯菜😋。
🥢潮汕七樣菜$68
亦係煲上熱辣辣，不同款式嘅菜共冶一爐，唔油膩都幾健康。
🥣達濠魚丸湯$48
魚丸夠爽口，鮮蝦雖然唔算大隻，但係都好鮮甜爽彈。
🥣紫菜牛丸湯$48
牛丸夠曬彈力，而且牛味香濃，配合紫菜湯，飲完更開胃。
餐廳唔算大，但係都坐得幾舒服。
餐廳唔收加一、餐前小食及茶錢，唔算貴得嚟又好食，唔怪得未夠6點就有人等位喇，所以我哋避開人潮5點就到😆。
Post
