深宵食堂 (Closed)

特意黎試試以串燒聞名既深夜食堂😆😆 唔好以為串燒淨係得炸、煎、炒好熱氣, 有d串燒係好清新好特別 😄😄 首先推介係“煙肉荔枝卷”, 新鮮既荔枝減低左煙肉既油膩, 咬落去唔係又咸又甜既感覺, 而係清新爽口既口感!! 另外都點左唔少蔬菜類. “芝士翠玉瓜”既芝士燒香過, 半溶既芝士完全溶入口中! “鹽燒秋葵”外面既鹽好幼細, 輕輕為味道較寡既秋葵吊味! 另外“燒金菇”、“蘆筍”, 調味唔錯!新鮮小食仲有“凡立貝”同“芝麻雞翼”, 炸得非常香口, 食完想再食! 主食則有豬扒飯, 豬扒飯比較油膩, 令白飯都沾滿左油份, 換成吉列會適合D~ 招牌菜薄餅好香脆, 醬汁適量剛剛覆蓋住薄餅, 唔會太乾身, 但份量少唔過癮埋單時店員仲俾左折扣卡我地下次可以用😍😍 閒日晚上人流算多, 大家記住要book位喇!!!