深宵食堂 (Closed)

去深宵食堂某程度上係因為佢個名而黎，第一次黎到見到門口唔似係食肆，但入到去之後另有一番境象，依度環境唔算好大，但好整齊，而且有一半左右嘅地方係室外，感覺都好唔錯。侍應服務好好，而且仲有講有笑。成個環境都算好乾淨，食具亦都清潔，至於最重要嘅食物就睇吓相片簡介啦。汁燒帆立具個汁係幾野味，而且燒得啱啱好，唔錯燒雞軟骨依個比較普通，未算難食，亦唔算好食生燒牛脷芯佢嘅牛脷好野味，食完會有想再食嘅感覺燒雞腎可能我唔係好鍾意食雞，依個雞腎係好爽，但味道算不過不失啦芝麻雞翼一份有4隻，感覺整得雞翼太乾，同某間出名嘅米線店雞翼差唔多吉列廣島豪都係一份有4隻豪，炸完之後食落去感覺仲好 juicy 同埋幾新鮮，幾好味汁燒白鱔依個真係比到我驚喜，燒汁野味不在話下，白鱔又肥美多汁，肉感彈牙，令到我再叫一次芝士蟹肉玉子算係依度嘅招牌菜，我叫咗蟹肉玉子，最初以為又蛋又芝士會好漏，食落去無依個感覺之餘，會越食越想依添