廣島沾麵本舖爆彈屋 (Closed)

深夜食肆既選擇不太多，又唔想下下都食一蘭，所以就黎試下呢間。我地去果陣麵類得返冷麵，所以只好叫呢個。呢度既麵都有辣度既分級，冷麵由0-200級。Waiter話小辣一般係5-10級，我地第一次試，所以叫住5級先。個麵咬落都幾彈牙，仲有3塊薄薄地又淡淡地既豚肉，而5級對我黎講都不算太辣，所以下一次可以再嘗試挑戰高一D既等級。如果挑戰20級或以上，仲有一個牌仔比你，你可以隨意畫野上去，然後個牌可以掛係店鋪既牆上面。另外，我地仲叫左個omelette，d蛋好滑好香，個醬汁同d蛋同配料好夾，令成個菜式更有味道。最後我地仲叫左個餃子，豬肉同韭菜既比例岩岩好，而且咬落去好多汁，非常好味。