Video
Read full review
2009-10-10
28 views
師傅同好友食家"乜都放入窿"食完酸辣粉後, 雖然又未算好飽, 但又好似唔需要立即再食野住, 於是就行一陣先啦! 散左一陣步後再去第三個地方, 目的地係合益泰, 由於好友食家"乜都放入窿"唔識路, 所以就由師傅帶路, 而去呢間食店最主要係為左腸粉! 去到門口, 正準備入去之際, 門口人個阿姐講左句令師傅同好友食家"乜都放入窿"都好震驚嘅說話, 就係『腸粉賣晒』! 既然如此, 商量一下, 最後決定, 下次再來, 縱是失望, 亦得接受!冇腸粉食, 又再行一陣, 大家又覺得唔係好肚餓, 於是索性搵甜品食; 而甜品一向係好友食家"乜都放入窿"嘅強項, 所以就提議去松記, 師傅當然冇問題啦, 就一直向目的地進發! 行到咁上下好友食家"乜都放入窿"見到松記, 就同師傅講到喇, 師傅望下個牌, 係就係松記, 但點解位置同個logo都唔同左咁, 再睇真d係叫三姐松記! 師傅即刻話唔係呢間呀, 於是再繼續行; 其實差少少就已經入左去! 師傅都唔明點解要叫改埋一模一樣嘅名, 搏大霧? 沽勿論佢嘅甜品得唔得, 但咁做始終唔係咁好! 行到去食店前, 竟然冇咩人, 實在難得, 於是即刻入去坐; 其實當時師傅已經全
冇腸粉食, 又再行一陣, 大家又覺得唔係好肚餓, 於是索性搵甜品食; 而甜品一向係好友食家"乜都放入窿"嘅強項, 所以就提議去松記, 師傅當然冇問題啦, 就一直向目的地進發! 行到咁上下好友食家"乜都放入窿"見到松記, 就同師傅講到喇, 師傅望下個牌, 係就係松記, 但點解位置同個logo都唔同左咁, 再睇真d係叫三姐松記! 師傅即刻話唔係呢間呀, 於是再繼續行; 其實差少少就已經入左去! 師傅都唔明點解要叫改埋一模一樣嘅名, 搏大霧? 沽勿論佢嘅甜品得唔得, 但咁做始終唔係咁好!
行到去食店前, 竟然冇咩人, 實在難得, 於是即刻入去坐; 其實當時師傅已經全身濕透, 難得入到去有冷氣, 但似乎仍未降溫, 於是師傅決定柯打個冰冰黎消暑, 睇左一陣就揀紅豆冰冰杯啦, 而好友食家"乜都放入窿"就揀左喳咋! 等左一陣就有得食, 紅豆冰冰杯賣相幾得, 冰堆面頭鋪滿杧果汁, 底裡有紅豆同椰果; 先講下個杧果汁, 杧果汁酸酸地, 配上淡淡嘅冰都唔錯, 而紅豆就幾鬆化, 不過就甜得濟; 而椰果當然係好得, 甜甜地又爽口, 不錯; 唯一可惜就係細杯d! 而好友食家"乜都放入窿"嘅喳咋, 看上去好似幾多花奶, 當然師傅冇試到啦, 但好友食家"乜都放入窿"都冇投訴, 應該收貨!
總括黎講甜品水準仍然出色, 服務普通, 唔多人下地方比較舒服, 呢下加分, 價錢唔貴, 不過唔記得幾多錢了; 如果要食冰, 師傅覺得石磨坊會係首選, 但呢度都唔差, 絕對食得過; 其實呢間食店真係屬於平, 靚, 正, 唔怪之得好友食家"乜都放入窿"咁鍾意啦; 所以有機會一定會再黎, 笑臉又點走得甩呢?
Post
