Video
Read full review
2009-10-08
3 views
離開劉森記後, 一轉個屈尾十就黎左呢間食店! 其實是次黎深水埗嘅原因係師傅最想試呢間食店嘅食物, 因為見到好評如潮, 所以就唔執輸, 加上師傅係逢辣野都有興趣, 而好友食家"乜都放入窿"又係同道中人, 所以一定要試下呢間當時嘅人氣食店啦!去到食店, 鋪面都幾細, 枱都多得幾多張, 好勉強下好友食家"乜都放入窿"先逼到入去, 好彩好友食家"乜都放入窿"身材苗條, 如果換轉係師傅就一定入唔到去啦! 坐底後又係商量下點樣柯打野食好, 最後嘅配搭係繼上次聯記川王一樣, 一凍一熱再另加多一碟小食就夠喇!熱食有重慶酸辣粉, 凍食好似係涼件薯粉(唔係好記得清楚), 而小食係夫妻肺片! 好鬼死快就有得食, 先講下個熱食重慶酸辣粉, 重慶酸辣粉配上小辣, 個湯底未算好香, 亦未算好辣, 可能係小辣嘅關係啦, 如果中辣可能會惹味少少; 而薯粉未算好彈牙, 份量都幾少, 一個人食一碗都未必夠飽呀, 呢個重慶酸辣粉師傅都係覺得一般; 而涼件薯粉份量亦係唔多, 不過最頂癮莫過於放入口後竟然唔係凍, 亦唔係涼而係暖, 呢個感覺係相當之差, 佢同熱食嘅分別只係爭一碗熱湯, 師傅就唔多鍾意; 最後係夫妻肺片, 夫妻
去到食店, 鋪面都幾細, 枱都多得幾多張, 好勉強下好友食家"乜都放入窿"先逼到入去, 好彩好友食家"乜都放入窿"身材苗條, 如果換轉係師傅就一定入唔到去啦! 坐底後又係商量下點樣柯打野食好, 最後嘅配搭係繼上次聯記川王一樣, 一凍一熱再另加多一碟小食就夠喇!
熱食有重慶酸辣粉, 凍食好似係涼件薯粉(唔係好記得清楚), 而小食係夫妻肺片! 好鬼死快就有得食, 先講下個熱食重慶酸辣粉, 重慶酸辣粉配上小辣, 個湯底未算好香, 亦未算好辣, 可能係小辣嘅關係啦, 如果中辣可能會惹味少少; 而薯粉未算好彈牙, 份量都幾少, 一個人食一碗都未必夠飽呀, 呢個重慶酸辣粉師傅都係覺得一般; 而涼件薯粉份量亦係唔多, 不過最頂癮莫過於放入口後竟然唔係凍, 亦唔係涼而係暖, 呢個感覺係相當之差, 佢同熱食嘅分別只係爭一碗熱湯, 師傅就唔多鍾意; 最後係夫妻肺片, 夫妻肺片有牛肚, 牛筋等, 每樣食物都有少少, 入口都算幾好, 應爽則爽, 應腍則腍, 加上麻辣味道搶口, 辣辣地幾惹味, 呢個小食反而更好!
總括黎講食物質素一般, 並非想像中咁好味, 而服務態度唔算好, 環境又細又逼, 價錢就唔記得左, 不過應該唔算太平! 師傅本來唔想比較, 但始終避唔開, 皆因師傅越食越傷心, 因為一邊吃酸辣粉就邊想起聯記川王嘅好味, 有咩辦法唔傷心呀? 相鴒信再黎機會不大, 而笑臉當然比唔到!
Post
