Video
Read full review
2013-06-16
814 views
大家去深水埗搵食可能只會留意地鐵站附近果幾條街既美食。由於地點距離地鐵站相對較遠既關係（約十分鐘路程），呢間「嘉頓餐廳」好多時都被大家違忘左。雖然係咁，間餐廳一D都唔難搵，只要搭過紅van既人一定知道佢喺邊！Anyway，餐廳位於青山道嘉頓building頂樓，工場一早已經搬左去深井，呢度依家只係用黎做office。相信呢塊地一早已經買落，日常開支最多只係燈油火蠟、伙記人工etc，否則以咁既價錢真係好難為到皮。雖然係咁，但係呢個價錢喺呢個舊區黎講已經算係偏貴架喇！一心想試個牛肋骨+紅酒燒汁，但係「沽清」之下唯有轉食$69黑椒牛仔骨set lunch。羅宋湯︰本來諗住幾廿蚊貨式無乜野expectation，點知出人意表，湯非常入味，飲得出係經過長時間、落足心機、比足料去煲的。一入口既時候已經感覺到有好濃烈既番茄味同蔬菜味，料方面亦落得好足，紅蘿白、薯仔、椰菜花等等全部都有，絕對唔似坊間「花X餐廳」、「扒X之王」果D味精水貨式。麵飽︰是日餐飽係香草包（左）同埋芝麻包（右）。作為幾十年麵飽老字號，呢方面我對嘉頓絕對有信心。麵包非常鬆軟，入口時有一陣淡淡既牛油味。飽面既香草同牛油混合埋一齊之後
Anyway，餐廳位於青山道嘉頓building頂樓，工場一早已經搬左去深井，呢度依家只係用黎做office。相信呢塊地一早已經買落，日常開支最多只係燈油火蠟、伙記人工etc，否則以咁既價錢真係好難為到皮。雖然係咁，但係呢個價錢喺呢個舊區黎講已經算係偏貴架喇！
一心想試個牛肋骨+紅酒燒汁，但係「沽清」之下唯有轉食$69黑椒牛仔骨set lunch。
羅宋湯︰本來諗住幾廿蚊貨式無乜野expectation，點知出人意表，湯非常入味，飲得出係經過長時間、落足心機、比足料去煲的。一入口既時候已經感覺到有好濃烈既番茄味同蔬菜味，料方面亦落得好足，紅蘿白、薯仔、椰菜花等等全部都有，絕對唔似坊間「花X餐廳」、「扒X之王」果D味精水貨式。
麵飽︰是日餐飽係香草包（左）同埋芝麻包（右）。作為幾十年麵飽老字號，呢方面我對嘉頓絕對有信心。麵包非常鬆軟，入口時有一陣淡淡既牛油味。飽面既香草同牛油混合埋一齊之後放入口更加令到佢既田園味道更出。芝麻飽方面相對無乜野特別，但係simple is the best，飽面上的芝麻最適合D鍾意食香口野既食客。
香煎牛仔骨配黑椒汁︰牛仔骨既肉味唔錯，好腍好易入口，亦都好容易連骨邊既筋一齊切出黎，唔會好似普遍D中式牛柳咁骨邊條筋任你點切都切唔開。配菜同意粉方面亦做得好好。一食已經食得出唔係用D平價食材去將貨就價，亦都唔係求求其其用水整熟就算，有落鑊炒過鑊氣十足，唔會腍到一PAT野咁。唯一美中不足既係個黑椒汁，好似唔夠汁夾硬用水開稀佢咁，完全唔夠味，胡椒亦嚴重不足，一丁點「黑椒味」都食唔出，呢方面略為失色。
香煎原條龍脷魚配他他汁︰呢味菜非常之特別。一開似以為佢係會俾果D雪藏炸魚魚柳成條上，無諗過佢會俾成條魚D客食。煎魚既用油份量剛剛好，唔會因為要快就求其用猛火煎，所以入口時唔會有「油lum lum」既感覺。雖然個皮煎到脆bok bok，但係魚肉都仲可以保持到魚既鮮味。條魚雖然比較多骨，但係都可以接受。反而條魚太大，食極都食唔晒好似有D浪費，其實俾條細少少既都OK啦！
可能係地點問題，呢度個價位唔能夠做得太貴，要遷就返呢一區既負擔能力。亦都因為咁先至可以令我地有機會可以食到平、靚、正既食物！希望呢D碩果僅存既良心餐廳能夠好好做落去，唔好俾呢個時代既巨輪吞噬呀！
Other Info. :
聽waiter講呢度既Cornish Bakeries 好出名，有機會一定要黎試吓！
(The above review is the personal opinion of a user which does not represent OpenRice's point of view.)
Post
