食意 (Closed)

深水埗是傳統舊區，原本只係過來買手機，真的沒想過會嚮這區食到中高檔質素的牛扒及意大利菜。本住「有報章肯介紹，想信有番咁上下」，我才放心入去。超巨型炭燒T骨扒，一邊西冷，另一邊牛柳，一扒兩食真的很少見。而且用料上乘，翻開裡面一看就睇到係非常紅潤新鮮。青口落酒煮過，所以有陣陣酒香。望落比平時食開的細隻，但食落係非常嫩滑，真係唔可以睇小。巴哈馬芝士火箭菜pizza的餅底原來是用人手搓出來的，邊位脆，中間軟。用機壓出來的，完全無得比。蝦蟹沙律也一樣有睇頭，尤其是底下的時疏，非常非常鮮嫩，好正!店員推介的是日甜品，芒果忌簾慕絲，單單賣相就已經好吸引。白葡萄桃肉有氣果汁味道本已清新，飲既時侯，還會聞到陣陣薄荷葉香，好好飲。