Video
Read full review
2022-08-06
114 views
餓龍．豬割先生語錄📌 聚來車仔麵 - 深水埗基隆街172號地舖🗓(6/8) 星期六 ⏰ 下午3點左右 💈特式：餐廳位於深水埗基隆街，地點其實就真係唔係好起眼，但假日下午茶時間，佢竟然排戲小小嘅人龍。🥩🍔🌭🌮🥗🥯🥘🍲🍝🍣🥟🍤🍱食物：今日行過附近，成3點都未食lunch，見佢舖仔細細竟然排住條人龍，所以好奇心驅使下就去試下，講吓味道先......車仔麵 - 話晒都係車仔麵店，就梗係要試下佢個車仔麵啦，叫左3個最貴價嘅餸總數$49，分別係🐷爽脆豬頸肉/🐮牛筋/🦑香辣魷魚，呢3款我見佢店舖都推介所以一試，真心推介，好好味。豬頸肉真係做到爽脆嘅口感，牛筋就炆到好淋好入味起晒膠質，香辣魷魚就切到細細條，好似象拔蚌咁，口感一d都唔韌，仲要有好香嘅魷魚味，有機會都會想試埋佢其他推介嘅餸。麵底就揀左米粉🍜，普普通通，加左沙嗲湯底同🌶秘製辣汁，好惹味，建議食辣嘅朋友要加佢個秘製辣汁。招牌鮮煎餃子🥟 - $42/8隻，叫左韭菜/🧀芝士粟米雙併，芝士粟米比較少見，佢個外皮煎得好乾身脆口又唔油，個芝士粟米餡係可以做到拉絲效果; 韭菜味相對個皮無咁乾身，原因係因為d韭菜肉餡好多肉汁，一咬就唧晒出嚟，整體感
📌 聚來車仔麵 - 深水埗基隆街172號地舖
🗓(6/8) 星期六 ⏰ 下午3點左右
💈特式：餐廳位於深水埗基隆街，地點其實就真係唔係好起眼，但假日下午茶時間，佢竟然排戲小小嘅人龍。
🥩🍔🌭🌮🥗🥯🥘🍲🍝🍣🥟🍤🍱
食物：今日行過附近，成3點都未食lunch，見佢舖仔細細竟然排住條人龍，所以好奇心驅使下就去試下，講吓味道先......
車仔麵 - 話晒都係車仔麵店，就梗係要試下佢個車仔麵啦，叫左3個最貴價嘅餸總數$49，分別係🐷爽脆豬頸肉/🐮牛筋/🦑香辣魷魚，呢3款我見佢店舖都推介所以一試，真心推介，好好味。
豬頸肉真係做到爽脆嘅口感，牛筋就炆到好淋好入味起晒膠質，香辣魷魚就切到細細條，好似象拔蚌咁，口感一d都唔韌，仲要有好香嘅魷魚味，有機會都會想試埋佢其他推介嘅餸。
麵底就揀左米粉🍜，普普通通，加左沙嗲湯底同🌶秘製辣汁，好惹味，建議食辣嘅朋友要加佢個秘製辣汁。
招牌鮮煎餃子🥟 - $42/8隻，叫左韭菜/🧀芝士粟米雙併，芝士粟米比較少見，佢個外皮煎得好乾身脆口又唔油，個芝士粟米餡係可以做到拉絲效果; 韭菜味相對個皮無咁乾身，原因係因為d韭菜肉餡好多肉汁，一咬就唧晒出嚟，整體感覺仲好食過出面專賣煎餃嘅舖頭。
招牌鮮炸肉丸 - 呢個$30有10粒，正正常常，唔係話唔食好，但相比起店舖嘅其他食物就略嫌無咁出色。
爆漿阿華田西多士配朱古力榛子醬🍫🌰 - 呢個係呢間餐廳嘅招牌，我見枱枱都差唔多有叫，我當然唔執輸都試吓，價錢$35真係抵玩抵食，用嚟影下相share下比朋友都抵，而且味道都真係好食，食得出有用心去整，阿華田味好濃，仲要唔太甜又唔漏，⭐️必食推介。
☕️🍵🥤🧋🍺🍷🥃🍹🧉🍾🍶🥛
飲品 - 叫咗杯凍檸茶，飲品就正正常常茶餐廳質素，無太特別。
🍽環境：餐廳環境一般正常，地方唔太，枱亦唔多，大約得8~9張枱，所以我假日下午茶時間都要等咗15分鐘左右先有位，如果真係想試嘅朋友，我建議平日下午茶時段會比較易有位。
🤵🏻🤵🏻♀️🤵🏻♂️服務：職員服務好好，好有禮貌，目測似係家庭式經營，見到佢地會同客傾吓計，感覺都幾free幾自然。
💰💸價錢：今餐午餐加下午茶總數係$159兩個人食，食到好飽，分分鐘唔洗食晚餐，我覺得唔貴，加上佢d食物質素都高，所以都可以講話抵食。
🐲💬總結：性價比高，質素有意外驚喜，就算係一碗普通嘅車仔麵，都比其他好多人吹捧嘅店好食，再加上佢某一兩種招牌菜真係做得出色，唯一可挑剔嘅地方就係地方唔大，地理位置唔算太就腳。
推薦指數：❤️❤️❤️❤️🤍
三餸車仔麵
$49
22 views
0 likes
0 comments
招牌鮮煎餃子
$42
9 views
0 likes
0 comments
招牌鮮炸肉丸
$30
7 views
0 likes
0 comments
爆漿阿華田西多士配朱古力榛子醬
$35
10 views
1 likes
0 comments
Post
