御品·千之味 (深水埗) (Closed)

陪老公去深水埗西九龍買野，等巴士回家的時候，見到一間日本菜餐廳，名叫御品千之味，餐廳地方不大，門口餐牌圖片好吸引，老公知我喜歡食丼飯，所以就同我入去食埋晚餐至回家。蒜香三文魚帶子炒飯：用三文魚和帶子切細粒炒飯，三文魚令炒飯有油脂香味，加入蒜香炒更添香濃，再放上大量蟹籽，更添口感。北海六色丼，材料有海膽、赤蝦、吞拿魚刺生都好新鮮，有三文魚、油甘魚、馬刀貝、玉子粒、青瓜粒。海膽鮮甜冇腥味，赤蝦大隻鮮甜吞拿魚、三文魚肥美，魚脂甘香，馬刀貝爽口，玉子香甜。壽司飯軟硬適中。