Video
Read full review
2023-02-12
280 views
同朋友去完黃金商場買完一堆戰利品，兩個人勁肚餓咁行返出嚟，朋友推薦一間附近嘅茶餐廳，抵食又有特色，所以就跟咗朋友去試呢間檸檬冰室。呢間冰室同啲新派茶餐廳一樣，都係比較光猛同乾淨，喺晚市時間幾乎坐滿，咁樣睇落食物水準都有返咁上下。炸薯角 $28新鮮熱辣辣炸起，真係冇辦法唔好食。🤤鮮薄荷青檸冰沙 $25雖然天氣唔係咁炎熱，但就想飲杯凍嘢爽下，呢杯冰沙充滿新鮮嘅薄荷葉味，另外青檸嘅酸甜平衡得剛剛好。菠蘿生炒骨 $68 （+$12 配白飯同中湯）生炒骨正常發揮，份量都唔細，唔怪之得吸引到咁多人幫襯。檸檬焗雞扒飯 $62呢個飯係今日嘅重點，熱辣辣，炒飯底 基本焗飯嘅條件佢全部都有齊，而喺個飯上面仲放咗幾嚿應該係糖漬檸檬，呢幾舊檸檬完全平衡咗成個飯，鹹鹹聲甜嘅嘢真係冇得輸。👍🏻👍🏻
呢間冰室同啲新派茶餐廳一樣，都係比較光猛同乾淨，喺晚市時間幾乎坐滿，咁樣睇落食物水準都有返咁上下。
炸薯角 $28
新鮮熱辣辣炸起，真係冇辦法唔好食。🤤
鮮薄荷青檸冰沙 $25
雖然天氣唔係咁炎熱，但就想飲杯凍嘢爽下，呢杯冰沙充滿新鮮嘅薄荷葉味，另外青檸嘅酸甜平衡得剛剛好。
菠蘿生炒骨 $68 （+$12 配白飯同中湯）
生炒骨正常發揮，份量都唔細，唔怪之得吸引到咁多人幫襯。
檸檬焗雞扒飯 $62
呢個飯係今日嘅重點，熱辣辣，炒飯底 基本焗飯嘅條件佢全部都有齊，而喺個飯上面仲放咗幾嚿應該係糖漬檸檬，呢幾舊檸檬完全平衡咗成個飯，鹹鹹聲甜嘅嘢真係冇得輸。👍🏻👍🏻
Post
