Fifty Fifty (Closed)

同朋友一齊食晚餐，估唔到深水埗有一間環境裝潢唔錯嘅西餐廳。價錢正路，+20蚊可以main dish變餐，有湯、野飲同甜品。同朋友一人叫左一個餐，一個係三文魚扒，另一個則係燒春雞。餐湯味道唔錯，帶有磨菇香味，唔會一pat pat。main dish 亦表現唔錯，三文魚扒煎得火侯啱啱好，外脆內嫩；燒春雞亦燒得好香，外面嘅皮燒到脆卜卜，而maim dish嘅配菜薯蓉值得一讚，非常軟滑，仲帶有奶香。而甜口亦幾有驚喜，係芝士蛋糕，餅身結實，亦有滿滿嘅奶香味。整體黎講都幾okay，服務亦幾好。