Loop Kulture

Open Now

Now Closed

一入門口就被大量綠色植物包圍，充滿大自然氣息，感覺好悠閒，十分舒適。店內裝潢以木色為主，水泥牆配上木箱枱，設計別具特色。店內售賣不少有機食品及生活用品，鼓勵客人自備容器購物，推崇環保有機健康飲食文化。而且仲係pet-friendly cafe，可以帶埋狗仔一齊黎～❀ 牛油果無花果配酸種麵包牛油果好creamy， 配上無花果、菲達芝士及脆身既黑麥酸種麵包一齊食，味道唔錯。最驚喜係配有無花果gelato，酸酸甜甜，味道清新，配合埋新鮮沙律菜及另一款酸種麵包食好夾！❀ 焦糖香蕉法式吐司依款吐司不但有顏值而且仲好好味～吐司外脆內軟，質感好濕潤又充滿蛋香，有少少似食緊梳乎厘。而吐司必備既楓糖漿更令味道更香甜。吐司亦配搭了不同水果，包括：焦糖香蕉、無花果、藍莓及石榴，色彩繽紛。另一亮點係配埋伯爵茶gelato，好濃伯爵茶味，味道唔錯～❀ 特濃抹茶鮮奶特別地用上玻璃樽裝住抹茶鮮奶，有淡淡既抹茶味，偏重奶味。抹茶粉好快就沉底，需要不斷攪拌飲用⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️⭐️🤵服務：⭐️⭐️⭐️⭐️💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆