Video
Read full review
2020-10-20
405 views
去咗深水埗福榮街天下茶屋，主打食日本咖哩菜式。門口擺設彷效日式食店有模型畀人參考，亦都有外賣飲品吧，日式台式混搭嘅飲品。平日午巿有套餐，周六日就單點。望落都幾吸引，餐牌有圖片參考埋：咖哩飯、烏冬、芝士乜乜乜。幾個人點咗三個主食加配飲品兩杯及餃子一客。應該都即叫即整或者翻熱，所以都要耐心等下。如果求快餐嘅朋友就no no啦。間舖主打咖哩飯，就叫咗個牛油烤雞扒咖哩飯 (甘口)。賣相整齊簡單，雞扒都有巴掌咁大架，飯就一碗份量 (細食女仔又係可以share) ，雜菜伴碟。雜菜有用味豉油醃炒調味咗先，所以都有入口，有菇有菜紅蘿蔔，有半隻手掌份量。咖哩汁叫咗甘口，所以係完全唔辣，怕辣朋友可放心，輕輕甜味但又食得出有咖哩底味，不過都似即食咖哩嗰種口感。雞扒厚切，雖然係牛油烤，但食落唔覺有牛油香味，外面焗到少少乾身，內裡鞋口，但係都係醃唔夠味，要醮啲咖哩汁送入口。生薑豚肉烏冬配花蝦明太子薯蓉烏冬。睇落好大碗，賣相都唔錯，聞落都有忌廉湯香氣。湯底飲落水偏油，似金乜牌忌廉罐頭湯嘅底，但再稠身啲，因為有落埋薯容底，淡淡甜味，都唔錯嘅，飲多幾啖會少少膩。豚肉片份量都多，半肥瘦肉片呈上，如果要瘦肉嘅朋友就未必啱
門口擺設彷效日式食店有模型畀人參考，亦都有外賣飲品吧，日式台式混搭嘅飲品。
平日午巿有套餐，周六日就單點。望落都幾吸引，餐牌有圖片參考埋：咖哩飯、烏冬、芝士乜乜乜。
幾個人點咗三個主食加配飲品兩杯及餃子一客。應該都即叫即整或者翻熱，所以都要耐心等下。如果求快餐嘅朋友就no no啦。
間舖主打咖哩飯，就叫咗個牛油烤雞扒咖哩飯 (甘口)。賣相整齊簡單，雞扒都有巴掌咁大架，飯就一碗份量 (細食女仔又係可以share) ，雜菜伴碟。雜菜有用味豉油醃炒調味咗先，所以都有入口，有菇有菜紅蘿蔔，有半隻手掌份量。咖哩汁叫咗甘口，所以係完全唔辣，怕辣朋友可放心，輕輕甜味但又食得出有咖哩底味，不過都似即食咖哩嗰種口感。雞扒厚切，雖然係牛油烤，但食落唔覺有牛油香味，外面焗到少少乾身，內裡鞋口，但係都係醃唔夠味，要醮啲咖哩汁送入口。
生薑豚肉烏冬配花蝦明太子薯蓉烏冬。睇落好大碗，賣相都唔錯，聞落都有忌廉湯香氣。湯底飲落水偏油，似金乜牌忌廉罐頭湯嘅底，但再稠身啲，因為有落埋薯容底，淡淡甜味，都唔錯嘅，飲多幾啖會少少膩。豚肉片份量都多，半肥瘦肉片呈上，如果要瘦肉嘅朋友就未必啱食，但係半肥瘦肉，入口個吓半溶嘅口感又帶有啲湯底忌廉味，正正子! 至於烏冬，唔係手打嘅，係粗身烏冬，外面係煙韌口感但面條入面較硬身，但整體都OK，唔知有無得要求偏硬/ 偏軟呢？不過朋友食到一半其實都有少少飽，因為個湯底。配料有鳴門卷同雜菜，唔特別寫，都係正常味道。
吉列豬扒湯烏冬配烏冬湯底，吉列豬扒另上。碗烏冬相對另一碗好似細啲，但可能只因為個配菜另上而且湯底係稀身水狀多啲。湯底偏重豉油味，無特別突出，咸甜適中，不過都係偏油重。至於烏冬，口感同白湯嗰款一樣，外煙韌內偏硬身。至於個吉列豬扒，份量都大份又相對薄切。外層炸到金黃色，咬落真係脆炸「爽爽聲」，肉層肉嫩鬆軟多汁，無熱都辣咀嘅，個炸粉層同埋個豬肉唔會分離咗，係會痴住嘅，抵讚!
單點嘅餃子，一客有五粒，送餐意外翻側晒。個餃子汁都係現成酸甜口味，唔係自己調製嘅，所以又係唔特別評價。餃子望落去煎到小小乾水，底部都係金啡色。咬落去皮薄薄，肉身係鬆散 (唔係鬆軟!) ，都應該係急凍餃子非自己包，成碟都係失色。
寒天蜂蜜爆珠烏龍茶，烏龍茶味唔出，但都開心有好多爆珠嘅。
黑糖小丸子熱鮮奶茶，可能熱茶個茶味出啲，但係偏甜又有少少張住個口咁。唔好太甜朋友記得少甜。小丸子唔係黑珍珠或者白糯米丸，半透明狀，煙韌口感，飲一半加埋小丸子，飽晒。
舖頭設計簡單，木色為主，有二四人座，亦有長枱吧枱。侍應們都好好禮貌。整體中規中矩，無咩太大驚喜，吉列豬扒都可以一試的。
Post
