超哥印尼手打麵 (Closed)

黎到深水埗，買電腦買game，去黃金啦，要尋寶，去鴨寮街啦，食印尼野，當然搵超哥啦話說，小妹真係生平第1次食印尼野，果然有驚喜舖頭小小，但裝修行簡約風，坐得都好舒服，同外面繁忙又人來人往既街形成好大對脾🤣，牆上有依個手寫裝飾，唔記得左問店員點解添，下次再問先（乘機又有藉口再食多次）有野食黎啦第1樣係印尼炒飯，以前對印尼野既認知只有印尼蝦片🤣，估唔到印尼炒飯好好食，唔係有d咩特別既材料，但個炒飯粒粒分明，而且調味好好，食落好香口，我估(嗱，係我估姐🙆🏻‍♀️）如果係印尼人食，1定食到家的感覺(唔知係咪呢）第2樣係海鮮炒手打麵，有d似豉油王炒麵加海鮮，同樣炒得好香口，而且麵好乾身，但又唔會覺油淋淋第3樣係蝦醬炒通菜，因為小妹好鐘意食蝦醬，所以依個菜真係我杯菜😆，蝦醬好香，菜好翠綠新鮮，又嫩口，實在係1棵靚菜另外野飲叫左珍多冰，野飲就真係稍為過甜，唔知係咪好似泰國奶茶d friend咁，通常都會甜d呢🤔，印尼特式🤔？如果可以有個減甜改良板咁就好啦整體而言，環境食品不錯，響深水埗尋完寶搵食多1個新選擇