L Place Cafe (Closed)

去完玩具街，同朋友想搵間cafe慢慢坐傾下偈，不過望黎望去都係茶餐廳多，都係上openrice搵到呢間cafe😂叫左兩個dinner set，有牛角包同薯蓉忌廉餐湯。速度真係好快，叫完轉頭就有湯飲，個湯啖啖薯蓉。基於咩都想食d，叫左個海陸空三軍上將 ，有3隻肉。燒春雞多汁又滑，有半隻甘多，食完都飽左7成。牛肩胛真係第一次，好juicy牛肉味重，加埋d醬汁。吉列蝦無期望太多反而覺得幾好食，平時出面通常都係雪藏味多，d度居然食落有蝦味，兩隻太少，要食多幾隻先夠喉😂薯格都好香脆，帶少少辣。巴馬火腿蒜香意粉我朋友最鐘意，因為蒜味好重，鐘意食蒜嘅朋友唔好錯過。意粉煮得啱啱好，加埋舊火腿，層次多變。食物質素性比價高，環境氣氛都好啱傾偈，呻下苦水。