囍源古早蛋糕 (Closed)

近年古早蛋糕開到周圍都係，之前都試咗好幾間都覺得麻麻地，唔明有咩咁好食🤨之後住深水埗嘅朋友介紹呢間「囍源古早蛋糕」🍰上佢IG睇口味勁多，仲可以預訂添（預訂可以舖頭自取，又或者深水埗地鐵站交收），就一於試吓，真係令到我對古早蛋糕徹底改觀啊！真係唔知道一個古早蛋糕可以有咁多變化，一共有成百幾種口味！總有一款啱你心水～老闆好好人，去到舖頭取貨嘅時候好認真介紹，佢哋同出邊其他舖頭唔同嘅地方就係，佢哋嘅蛋糕採用左水浴法，咁就可以唔燶底燶邊，而且保持濕潤，重點就係少油少甜，夠晒健康呀！特級朱古力髒髒古早蛋糕🍫$85睇住店員製作，朱古力古早蛋糕上面加料落咗曲奇、朱古力碎同埋糖針，中間仲有朱古力夾心，朱古力味濃郁又唔會太甜。芝士古早蛋糕🧀$70中間夾心層係半溶嘅芝士，混合左多款芝士碎，絕對唔係嗰啲一片片嘅卡夫芝士，每一啖都可以食到芝士味！蛋糕軟綿綿嘅口感真係好正啊！芋泥雙層巨無霸$75蛋糕口感鬆軟，而且唔會太乾好濕潤，老細話芋泥餡料係自己製作嘅，仲要有兩層咁多，啲餡多到爆曬出嚟，好正啊！蛋糕雖然係新鮮製作，但係都可以存放三日，擺喺雪櫃就OK，整返熱就可以擺入電飯煲，就可以做返脹卜卜同埋好濕潤嘅口感！下