米亭 (Closed)

出左消費劵$2000，想買電腦就同男朋友黎黃金睇下notebook順便係呢區食埋晚飯行行下搵到呢間餃子店，近排越黎越鐘意食輕食，唔想食到太飽，會好辛苦見到套餐平平地，又好多野食就決定食呢間啦！鋪內環境闊落，好新淨我就嗌左一個餃子套餐，簡左豆乳豬骨湯bb辣既米亭和牛餃子，涼拌雲耳，菜莆，同熱豆漿。辣度有幾級可以簡，我唔太食得辣就要bb辣算啦和牛餃啖啖肉，餡料都好多，餃子皮都幾薄一個餐有六個餃子湯底係豬骨湯，味道偏濃男友就嗌左秘制脆汁豬扒雞湯米線，都係有涼拌雲耳同菜莆跟餐。煎豬扒上面淋左蜜糖同埋脆片，幾特別既食法雞湯味道都係偏濃既～ 最後2個人$129埋單，好抵食