鮮茶 (Closed)

早排同屋企人去深水埗黃金買野，行到熱熱地就去左買茶飲😝見呢間小店野飲價錢幾平，就一於試試佢先。>芋圓奶綠：有芋圓、地瓜圓&紫薯圓，有成1/3杯咁多，好足料，食落Q彈有嚼勁，本身芋圓有甜度，所以叫少甜都夠甜啦，奶綠味道清爽，好飲過奶茶。>黑糖珍珠鮮奶：我估係用左明治奶？😂因為個奶都幾好飲，唔會好濃厚好膩，配埋黑糖珍珠本身既天然香甜味好夾，飲完都唔怕好邪惡。>水果四季春：有橙、蘋果、西柚&青檸，切到完整一片片咁，望落幾靚，最底仲有西柚果肉，有野咬下幾好，味道酸酸甜甜，飲完好止渴👍🏻個杯背後仲有個心心眼哈哈笑😍都幾可愛既。