軟橋米苔目餐廳 (Moved) New Location

深水埗小店林立，好多唔同嘅餐廳，呢間軟橋米開頭我聽我以為係食台式料理，但原來佢係食比較地道嘅粉麵。手工米苔目原來係一種呢度主打嘅特色粉麵，食落去有啲似銀針粉，口感好特別又，有啲似狗仔粉。餐廳冇咩裝修比較平民化，叫咗個米苔目可以揀咖哩湯底，咖哩香底都幾香口，仲可配兩款嘅配料。我就揀咗墨魚丸及水餃，大大碗，而且料都充足，幾特別！另外叫咗蒜泥白肉，白肉分量超級多，兩個人食都食唔曬。蒜蓉有少少喺面，而且辣辣地。仲叫咗豆腐，豆腐都炸得幾脆，咬落去煙煙靭靭。天氣梗係要叫返杯凍飲，即刻涼哂。