Video
Read full review
2023-10-02
737 views
呢日嚟咗深水埗買啲電子產品 買完當然要搵返間好食嘅小店慰勞陪我嚟嘅友人😎 嚟咗呢間食韓國菜嘅餐廳 餐廳舖面唔大 只係得十個座位煎芝士雞蛋卷呢個雞蛋煎得好薄 入麵包裹住厚厚嘅芝士 拉絲效果非常澎湃🧀 加埋面頭用茄汁寫上咗韓文 更加有韓國特色 而且有茄汁調味 食落口唔會太過膩🍳炸紅薯芝士條又係一碟芝士嘅菜式 一上碟店員已經提醒要盡快食🤣 呢個芝士條食落口幾特別 因為外層係番薯 包裹住芝士條 所以食落口甜甜地 幾有風味韓式牛肉炒粉絲面頭鋪咗滿滿嘅牛肉 再加埋有啲雞蛋絲做點綴 顏色都幾豐富㗎😍 入面嘅配料主要有紫洋蔥 紅蘿蔔絲 燈籠椒 菠菜 加埋有少少芝麻 味道有層次得嚟 食落仲好均衡飲食添啊😎 不過最主要嘅都係食佢嘅粉絲 粉絲味道唔算好鹹 咬落口仲好有口感 係食極都唔厭 全份無骨炸雞配啤酒呢個組合真係一流 食炸嘢最想就係飲啤酒 呢個組合一嚟已經有兩支韓國啤酒🍻 可以同朋友啤啤佢 炸雞嘅份量好充足 而且炸粉唔算好厚 有雞皮嘅部份仲格外脆卜卜添呀😚 入面嘅雞肉幾嫩滑 如果點埋側邊嘅甜辣醬味道會更上一層樓😝 Cass啤酒一人一支 餐廳仲會俾埋啤酒杯🙈 等我哋飲得唔駛飲得咁豪氣 味道偏苦 但係配炸物
呢日嚟咗深水埗買啲電子產品 買完當然要搵返間好食嘅小店慰勞陪我嚟嘅友人😎 嚟咗呢間食韓國菜嘅餐廳 餐廳舖面唔大 只係得十個座位
煎芝士雞蛋卷
呢個雞蛋煎得好薄 入麵包裹住厚厚嘅芝士 拉絲效果非常澎湃🧀 加埋面頭用茄汁寫上咗韓文 更加有韓國特色 而且有茄汁調味 食落口唔會太過膩🍳
炸紅薯芝士條
又係一碟芝士嘅菜式 一上碟店員已經提醒要盡快食🤣 呢個芝士條食落口幾特別 因為外層係番薯 包裹住芝士條 所以食落口甜甜地 幾有風味
韓式牛肉炒粉絲
面頭鋪咗滿滿嘅牛肉 再加埋有啲雞蛋絲做點綴 顏色都幾豐富㗎😍 入面嘅配料主要有紫洋蔥 紅蘿蔔絲 燈籠椒 菠菜 加埋有少少芝麻 味道有層次得嚟 食落仲好均衡飲食添啊😎 不過最主要嘅都係食佢嘅粉絲 粉絲味道唔算好鹹 咬落口仲好有口感 係食極都唔厭
全份無骨炸雞配啤酒
呢個組合真係一流 食炸嘢最想就係飲啤酒 呢個組合一嚟已經有兩支韓國啤酒🍻 可以同朋友啤啤佢 炸雞嘅份量好充足 而且炸粉唔算好厚 有雞皮嘅部份仲格外脆卜卜添呀😚 入面嘅雞肉幾嫩滑 如果點埋側邊嘅甜辣醬味道會更上一層樓😝
Cass啤酒
一人一支 餐廳仲會俾埋啤酒杯🙈 等我哋飲得唔駛飲得咁豪氣 味道偏苦 但係配炸物就啱晒㗎啦 重點係佢夠晒凍 大熱天時入到餐廳飲埋啤酒就好正
呢間小店都有提供韓式小食 有泡菜食真係即刻超有韓國風味 大家仲可以免費續碟一次😙
Post
