尚品餐室 (Closed)

行到餓餓地，沿路邊行邊覓食，經過尚品餐室，已經有好香好香既味道，所以決定一試。一睇餐牌已經係花多眼亂！我同友人兩個人都諗左陣先可以決定到叫什麼，我們點了碗潮汕肉碎雞粥，腐乳炒通菜同埋風沙椒鹽九肚魚。潮汕肉碎雞粥：碗粥好正宗，好有潮洲粥嘅感覺，同埋用料十足，而家好難食到咁正宗咁足料嘅粥！好好味，我同友人好輕鬆就將成碗粥食晒腐乳炒通菜：份量同賣相絕對唔惹少，啲汁好多好好味，炒得好入味，食每啖通菜都有腐乳嘅香味，我同友人真係食到完全停唔到。風沙椒鹽九肚魚：唔係好多地方食得到，見到呢度有得食當然要叫啦！風沙椒鹽九肚魚絕對沒有失望，一定一定要點，一咬落去係皮薄完全唔會覺得太厚粉，九肚魚非常滑，非常值得推介。而且呢度份量十足，大大的一碟九肚魚，但實在太好味喇，我同友人全部食晒。尚品餐室確是驚喜之作，佢小菜之外仲有雞煲同火鍋，下次會同多啲朋友黎試下個雞煲