蚊蚊豬老火鍋 (Closed)

🌟火鍋放題想食得過癮，當然要無限任食先至最盡情！深水埗嘅「蚊蚊豬老火鍋」任食火鍋放題免加一，最平$228任食2小時烤魚+麻辣雞煲+牛尾鍋+任換鍋底！🥳任飲任食 3款高質牛肉、三文魚刺身，仲送埋高質素海鮮鮑魚，輕鬆回本抵食之選，係時候約班朋友一齊去「滾」啦！🍣首先送上刺身拼盤，二人份量充足，味道鮮甜無雪藏味，最正係三文魚任食，夠曬肥美呀！🐔蟲草花鮮雞鍋& 鮮茄薯仔清湯鍋朋友唔食得辣，所以點左養生鍋，蟲草花滋補唔熱氣，雞件新鮮嫩滑。鮮茄薯仔濃郁香甜，兩款都唔錯！🐂牛肉拼盤基本上一碟已經好飽，prime級安格斯牛、牛板腱、封門柳，最鐘意安格斯牛，肉質嫩滑新鮮，牛味濃郁，絕對可以滿足牛魔王！🦐海鮮拼盤嘅鮑魚爽口彈牙，青口、海蝦都同樣鮮味十足！🍶自助區仲有新鮮蔬菜、特色丸類，多款飲品。特別推薦呢度嘅清酒，清甜易入口，非常好飲！唔小心飲左4壺，最後仲忘記左食雪糕呀！👍🏻 整體食物令人滿意，質素一d都唔求其，性價比超高，成晚都開心食開心飲，而且服務態度良好，下次可以再戰烤魚雞煲！