黃金廚房

Open Now

Now Closed

今次去咗深水埗食蒸氣海鮮放題，黃金廚房之前都見唔少Foodie推介，第一次食嘅我表示好期待🤩店員教我哋蒸氣火鍋放題食法係最後先食粥底！咁我哋一嚟就試咗日式刺身拼盤同海鲜拼盤先。刺身拼盤同埋海鮮都好新鮮！刺身好大碟，魚生大大塊，入口超肥美，真係好正🥰跟住海鮮方面都好多選擇，包左生猛龍蝦、活鮑魚美國桶蠔、元貝同活海蝦。我就最鍾意食佢哋嘅龍蝦，大大隻嘅賣相超級吸引，而且肉質都好鮮甜，好厚肉🤩跟住就係安格斯牛柳粒，牛味好香濃，細細粒咁好易入口。到佢哋嘅必食粥底，撈埋咁多嘢一齊食，真係好豐富又好滿足呀！