泰濃麵 (樂道)

Open Now

Now Closed

自從上個月去完泰國旅行後, 就念念不忘果到D美食, 係既, 九龍城有好多泰國餐館, 但食黎食去都係海南雞都有D悶, 今次去左尖沙咀食泰濃麵,為的係果碗深啡色的船麵。呢到D 船麵可以揀唔同的麵底同主菜,麵底有河粉/ 薯粉/ 油麵/飯等等,而且主菜可以揀手撕雞/ 安格斯牛 甚至到飛驒和牛tim~有平有貴今次叫左飛驒和牛船麵, 油脂就好似雪花般均勻, 肉嫩味濃, 和牛在口內慢慢溶化, 成口都係牛香味。而深啡色的湯底用大量泰式香料, 加埋豬骨、雞骨煲出來, 深沉濃郁，鮮甜濃郁, 啖啖惹味配料有秋葵、豬油渣、魚蛋等等, 論味道，夠層次另外仲叫左碗冬蔭公安格斯粉, 安格斯牛本身已經好味已經不在話下,冬蔭功湯味道酸辣開胃, 味道貼近泰國地道風味,粉底非常煙韌,配料有蝦、青口、蟹柳等等,都幾豐富。除此之外,我地仲叫左炸雞翼, 炸得香口, 又皮脆肉嫩, 最正係唔會炸到入面乾淨淨。炸豬皮配粉一齊食非常一流。