Video
Read full review
2020-11-10
147 views
餐廳門外係一列歐多牙嘅枱櫈，感覺騷豪。煙三文魚配凱撒沙律，凱撒沙律新鮮，份量豐富，煙三文魚上面嘅係芝士粉同洋葱圈，芝士粉嘅味道同個凱撒沙律汁嘅味道好襯，煙三文魚嘅鹹鮮味從來都係凱撒沙律嘅靈魂。德國鹹豬手配酸菜及薯仔沙律，廚師細心將鹹豬手碎上，食嘅時候非常方便，豬手外皮脆而不硬，肉質嫩滑如雞，令人嘖嘖稱奇，酸菜份量不少，個人喜好覺得可以再酸啲同濕啲，薯仔沙律好味到幾呼喧賓奪主，隨附嘅芥辣有兩款，深黃嗰隻味道偏甜，口感細滑；淺黃嗰隻味道剛烈，口感粗獷，不分深淺，細滑粗獷絶對缺一不可。喺露天位睇住旁邊食客開懷暢飲，言談甚歡，最衰今晚有揸車，下次要掉低架車嚟 Das Bier 啤啤佢先。
餐廳門外係一列歐多牙嘅枱櫈，感覺騷豪。
煙三文魚配凱撒沙律，凱撒沙律新鮮，份量豐富，煙三文魚上面嘅係芝士粉同洋葱圈，芝士粉嘅味道同個凱撒沙律汁嘅味道好襯，煙三文魚嘅鹹鮮味從來都係凱撒沙律嘅靈魂。
德國鹹豬手配酸菜及薯仔沙律，廚師細心將鹹豬手碎上，食嘅時候非常方便，豬手外皮脆而不硬，肉質嫩滑如雞，令人嘖嘖稱奇，酸菜份量不少，個人喜好覺得可以再酸啲同濕啲，薯仔沙律好味到幾呼喧賓奪主，隨附嘅芥辣有兩款，深黃嗰隻味道偏甜，口感細滑；淺黃嗰隻味道剛烈，口感粗獷，不分深淺，細滑粗獷絶對缺一不可。
喺露天位睇住旁邊食客開懷暢飲，言談甚歡，最衰今晚有揸車，下次要掉低架車嚟 Das Bier 啤啤佢先。
Post
