博派麵館 (Closed)

話說有日係荃灣未食飯經過千色一帶既食街 小胖男友既眼球突然被一間店舖門口既巨型發光figure所迷住起初仲以為係模型店 原來竟然係一間麵店黎 好奇心下我地走左埋去睇有咩食 見到餐牌上寫住 "炸珍珠奶茶 你食過未?"作為吃貨界既潮流尖端 我地決定入去一試究竟相信呢間麵店既老闆真係好鐘意變型金剛除左店名外 成間店既內部都係用變型金剛做主題每張枱上都放左一個變型金剛既頭原來個頭內有乾坤 裡面裝住既係非常之辣既特辣辣椒油點左兩款冷盤小食涼拌雞翼尖麻麻辣辣 皮脆(爽脆)肉滑手拍青瓜個醬酸酸地 有麻醬既香味 非常開胃吃貨小妹點左一個燒骨雞柳湯米線所謂既燒骨原來係燒金沙骨意想不到咁好味 雞柳亦燒得好香小胖男友點既牛肉牛根湯麵都唔錯 牛肉唔係普通貨式而係用上較貴價既牛 牛根夠晒淋而最驚喜當然係必試既炸珍珠奶茶小妹認為呢款小食可以話係炸鮮奶既變奏版甜味拿捏得恰到好處 珍珠煙韌 奶茶味香濃 炸粉唔厚炸到脆卜卜 食完辣 當甜品食就岩晒總結呢間小店 價錢相宜 食物質素唔錯 值得一試