醒辰冰室 (東匯坊)

Open Now

Now Closed

成間餐廳既運作十分混亂，首先係想叫個什扒飯，由於menu無寫清楚,所以問落單職員，有啲咩扒，同埋跟黑椒汁定蒜蓉汁，結果職員都唔清楚要入廚房問。然後係冇飲品menu，朋友隨意叫左凍檸啡，落單既職員都幫手落左，但一段時間之後，另一位職員上前話餐廳menu無凍檸啡，叫我哋嗌過第二樣，神奇既係下一秒杯凍檸啡就上。最後係漏單，兩個朋友已經食晒，仲有一個叫咗乾炒牛河嘅就等極都未上到，反而另一枱遲過我哋坐低嘅都已經食緊，心諗佢都應該係漏咗單，由於啲嘢食都係普普通通，諗住同職員講cut單，結果都估到係唔俾cut，話廚房炒緊。總結:職員對餐廳serve既食物飲品零概念，溝通不足，食物質素普通，仲要收加一😀。