入麵 (Closed)

下雨天☔️去石門搵食 ， 京瑞廣場都近地鐵出口。 本來想嚟食泰式船麵， 轉咗手變做台灣嘢， 一場嚟到緊要試吓。入去前， 員工有認真量體溫， 睇Menu點餐， 菜式排得唔夠簡潔， 好難搵出要打。 菜式混合了台灣 蒙古 日本菜。 搞特色菜， 我建議佢專攻台式會好啲，太離開主題。 叫咗鹽酥雞 ， 清酒豬手， 日式撈麵。 清酒豬手夠入味， 又夠， 值得一試。 建議店主推神介吓。 晚餐$144食得飽， 價錢算係公道。 欣賞佢嘅珍珠奶茶， 用獨立包裝俾我， 餐具都用即用即棄， 哩方面值得讚吓。 但環境衛生要改進， 雖然頂返嚟做。 都應該執下先開店。 牆身好多塵又有污跡， 吊燈全部都係塵。 周圍擺得好亂， 唔夠整齊， 啲公仔放晒出嚟積塵。 做開放式廚房， 應該對衛生有自信， 但廚房地下階磚有裂紋又積水， 睇落好唔衛生。 見到佢樓面員工行四個 ， 所以服務都算到位。 但都為店主擔憂， 20-30個位。 成間鋪員工多個五個都好難做。 希望店主繼續提升質素， 特別係環境方便。 下次經過會再試吓支持💪🏻👍