Wing It! (Closed)

有時喜歡往希雲街那邊走走吃吃，那裡地舖食肆比較多，地方有點雅致，而且比銅鑼灣廣場那邊來得清靜。今晚走過希雲街，又見有新舖上場，叫「Wing It!」，主打炸雞翼配各式醬料。「Wing It!」門面相當醒神，落地玻璃，牆身主調黃白顏色，十分搶眼。但店內地方不大，佈置簡單。「Wing It!」絕無花巧，主打雞翼，另祗有數款小食，如炸薯條、白車打芝士棒、洋蔥圈和美式熱狗等供應。飲品亦祗供應罐裝汽水。雞翼有original同crispy兩款口味選擇，可點4隻/8隻，或加錢轉combo，另可自由配搭多款醬汁，如甜香蒜味、千島醬、蕃茄醬、藍芝士、自家製水牛雞翼醬、田園醬、黃芥末、BBQ燒烤醬、日式燒烤、蜜糖蛋黃等，亦有肉桂糖香、美式孜然和八味香辣粉，任君選擇。叫了2款雞翼、炸薯條和洋蔥圈試試。crispy雞翼炸得金黃，皮脆內熱，original雞翼比較juicy，雞肉嫩滑。兩款雞翼各有特色，再配不同醬料，十分好味。炸薯條份量十足，夠多夠大條，炸得都算鬆化，而且可以配搭不同醬汁，口味多樣化。炸洋蔥圈，外層粉漿炸得焦黃香脆，內裡洋蔥熱辣辣，又鮮甜，十分好味，實在有點驚喜。