笑酤和味炭燒 (The Pulse) (Closed)

趁疫情好轉，難得放假入去南區行下，行完赤柱、淺水灣一帶，順便喺淺水灣海傍商場The Pulse食埋晚飯😆望住個沙灘食嘢，吹住海風，相當寫意，真係都市生活中難得嘅享受🥳今次嚟之前做咗功課，知道呢間餐廳主打係食串燒，仲選用咗備長炭去燒烤，啱晒鍾意試新嘢嘅我😌火山卷第一眼就俾呢個火山卷吸引到，喺出面餐廳比較少見嘅壽司卷組合😮吉列豬扒、蟹籽、火炙芝士、沙律醬，呢幾樣嘢平時好少會一齊配搭，估唔到結合而成係一道咁邪惡嘅壽司卷👻每樣食材都係我鍾意嘅，咬落口有豐盛嘅感覺，諗返起都回味無窮😋和牛炒飯簡單而美味嘅一道炒飯，飯粒做到乾身爽口，和牛香味遍佈飯粒，師傅做到晒和牛炒飯嘅精髓👍牛小排可能係因為備長炭嘅關係，令到牛小排可以鎖住晒肉汁，仲食到滿滿嘅油脂感🤩以前聽過朋友講牛小排用嚟燒烤最好食，今日終於明白點解，以燒烤方式去處理果然最適合佢😃香港人食燒烤冇理由唔食嘅雞翼😎佐賀豚肉腸，本身略帶少少煙燻味道，燒熟之後就更加發揮到出嚟😈迷你甜薯，細細啖、甜甜哋，夠晒滋味😆估唔到大啡菇攞嚟燒烤係咁吸引😁嚟到海邊咁Chill嘅環境，仲有咁多好嘢食，當然要嘆返杯啤酒🍺呢杯係Sapporo生啤，口感好清爽，啱晒食燒烤嘅時