添添

Open Now

Now Closed

周不時都會同朋友去元朗鳳琴街搵野食。 晚飯去咗添添 餐廳叫餸食飯。光猛衛生，卡位位置坐得舒服。同朋友揀咗3個餸，餐湯和飲品。中湯西湯各一蓮藕湯清甜，黑松露忌廉湯夠Creamy同埋黑松露味都係足料。枝竹火腩煲煲仔上菜熱辣辣10分香，枝竹仍然食到豆香唔會煮得太乾，火腩每嚿都肥瘦平均，火腩嘅皮煮得特別香，調味亦都唔會過鹹，薑蔥蒜嘅味道平均。土魷馬蹄蒸肉餅份量超大超級抵食嘅蒸肉餅，肉餅熟度控制得剛剛好唔會太熟而韌，肉質之間保存到水份，食落口感結實適中。加埋肚有一齊蒸鮮味更加突出。西蘭花炒蝦球蝦球每隔都爽口彈牙，食落鮮味十足唔會淡而無味，西蘭花炒得夠濕潤，食落唔會太乾，亦唔會太硬。