清原

Open Now

Now Closed

🍂天氣開始慢慢變涼，食甜品嘅時候我都會想揀一啲暖笠笠嘅甜品嚟試吓。而清原芋頭甜品專門店嘅「相思紅豆湯」🫘就啱晒我！🥰🫘「相思紅豆湯」入面嘅紅豆煮得綿軟香甜，仲有芋圓、珍珠，Q 彈有嚼勁，為口感增添豐富層次。芋頭球，口感綿密，重量級嘅芋頭味，好食過平時一般嘅紅豆沙👍🏻💜除咗溫暖嘅相思紅豆湯，仲有一款超甜蜜嘅甜品 ——「芋見幸福熱戀中」。呢款甜品入面有芋圓、紅豆🫘、芋頭球、珍珠同埋椰汁西米露。各樣配料都好足料，芋圓 Q 彈有活力🙆🏻‍♂️，紅豆甜蜜綿糯，芋頭球真材實料，珍珠增添一份彈性，椰汁西米露則帶來濃香椰汁滋味。食完真係幸福感滿滿，彷彿好似熱戀中咁甜蜜💕💜另外仲有一款綠豆沙仙草特色飲品。杯底一層綠豆沙夾住中間一層仙草，上面再填滿綠豆沙而成。綠豆沙清新綿密，帶著淡淡甜味，好似一縷清風。仙草滑嫩，為飲品增添一份獨特嘅口感。二者搭配在一起，口感層次豐富，既清爽又清熱添！💜清原呢間來自台灣嘅過江龍，專賣芋頭芋圓，喺台灣有多逾 200 間分店，實力非凡。今次嚟到銅鑼灣分店，舖頭無論招牌定裝修都主打粉紫色，滿滿嘅少女感覺，好適合打卡。