雪龍湯 (Closed)

朋友好鍾意飲說濃湯，上open rice見到呢間餐廳個名，於是乎諗都無諗就黎試吓啦！點知黎到門口，發現餐廳嘅外觀似乎係同雪濃湯完全冇關係嘅，呢度嘅裝修好時尚，好似一間清吧。入到去餐廳，員工嘅招待好友善， 伴隨着Big Bang嘅搖滾歌曲！氣氛嘅影響之下，似乎想飲酒多啲。。但係可惜今日朋友揸咗車。。最後決定試吓佢哋嘅水果特飲，加埋佢哋嘅特色烏冬。水果特飲，散發住陣陣嘅水果味。好清新。我叫左蟹鉗烏冬，湯底應該係牛肉湯，因為見到湯有好多牛肉碎。好濃味，而且蟹鉗嘅份量都算多，有6隻！味道幾好。而朋友叫嘅廣島蠔烏冬，啲蠔都好大隻，偷左佢一隻黎試，好肥美，鮮味。最後餐廳仲送咗兩個雪糕球俾我哋，好開心嘅一餐晚餐。