大力齋廚 (Closed)

爸爸節當然要同父親大人慶祝... 因為夜晚會自己落廚，所以中午就出去攪掂... 而阿爸個肚好似越黎越大，一於去食返餐齋清心一下... 等左廿分鐘左右，阿姐問細枱坐唔坐，仲好好人咁帶左我入去睇下先。其實張枱一d都唔洗，坐四個人都得，咁我地一行三人就入黎坐低啦。先開左壺水仙，黎碟齋卥味。再叫個部長黎幫我地寫左幾味小菜。1) 西蘭花雞卷 - 個賣相好靚，顏色好鮮艷。雞卷其實係腐皮包住冬菇、齋火腿、西芹等。皮先炸了一下，外層幾香脆，內裡有「肉汁」，值4星半 2) 蜜汁叉燒 - 外型真係好似真既叉燒，咬落去第一啖真係以為自己食緊叉燒。其實都係有腐皮整成，不過用左蜜汁，以腐皮既黏度亦剛好，所以真係好似真叉燒。唯一美中不足係蜜汁稍多，值4星 最滿意係服務。部長黎左幾次問好唔好食，幫你寫餸時又唔會夾硬幫你寫得太多，阿姐又好勤力加水，個個都笑容滿面，唔知係唔係大家都係食齋所以清心d？可以再黎幫襯﹗