Video
Read full review
2010-03-23
759 views
搭入2010年, 為食入新界開始其新的一年event, 呢次要朋友門上山下海. 我們一行30多人, 由太和站出發, 行上來非常隱蔽既"香海蓮社半春園". 當然不是人人行上去啦.坐車的朋友, 早過我們一批行路上山者好多. 而且, 因為地方隱蔽而有的士司機行錯路, 亦有先鋒部隊行錯路, 本來預1點到, 結果都要1:30才能到齊人.地方其實並不難找. 由太和火車站, 行出河邊. 再沿錦山路直上, 不要抄小路. 過左高速公路橋, 就會看到半春園既入口. 若識路, 由太和邨行上來真的不用20分鐘. 只不過要征服一段長命斜啫.入到園內, 地方非常之清悠. 天氣雖不是太好, 但對著大自然, 就算是沙塵天氣. 空氣既味道都特別清新. 我們行上來的一批, 遲到了, 一到埗就直上寺院的飯堂. 一行30多人, 寺院方已安排了三圍的簡單齋菜, 招待大家.同廚房嬸嬸說了人齊, 不一會, 一窩濃濃的湯, 就為我們端上. 齋既老火湯, 煲到起哂沙, 齋料點樣煲出咁濃味既湯呢? 就是用大豆, 湯渣含有大量的大豆, 有少少煲爛, 豆內的營養精華煲哂出黎, 另外湯味帶甜. 我們亦吃到一些類似蕃茄的東東. 問一問嬸嬸, 我
地方其實並不難找. 由太和火車站, 行出河邊. 再沿錦山路直上, 不要抄小路. 過左高速公路橋, 就會看到半春園既入口. 若識路, 由太和邨行上來真的不用20分鐘. 只不過要征服一段長命斜啫.
入到園內, 地方非常之清悠. 天氣雖不是太好, 但對著大自然, 就算是沙塵天氣. 空氣既味道都特別清新. 我們行上來的一批, 遲到了, 一到埗就直上寺院的飯堂. 一行30多人, 寺院方已安排了三圍的簡單齋菜, 招待大家.
同廚房嬸嬸說了人齊, 不一會, 一窩濃濃的湯, 就為我們端上. 齋既老火湯, 煲到起哂沙, 齋料點樣煲出咁濃味既湯呢? 就是用大豆, 湯渣含有大量的大豆, 有少少煲爛, 豆內的營養精華煲哂出黎, 另外湯味帶甜. 我們亦吃到一些類似蕃茄的東東. 問一問嬸嬸, 我們估的蕃茄係錯既答案, 那個原來是煲到腍哂既蘋果. 我們一檯, 暗地裡問問仲有冇湯, 嬸嬸亦暗地裡同我們端多一窩出來.
上菜了, 先來一個炸素雞. 素雞其實是腐皮. 炸得非常之香脆, 而且是真正的外脆內腍. 只不過, 沒有搞個汁俾我地點. 若有個甜酸汁伴一伴, 相信會更加惹味.
之後是水瓜炒素魚滑. 來寺院食素, 味道都偏向清淡. 淡淡的水瓜, 素魚滑是一個味淡的素肉. 而且呢碟野油不多. 很是不錯的一碟小菜.
去親飲宴, 總有魚呢家野. 黎食寺院素. 都一樣有條魚. 魚, 當然是芋頭魚. 而且而煎/炸特塊芋頭魚靚, 是一個幾考功夫既動作. 淋上了五柳汁, 化解了煎炸物帶有的熱氣. 這個亦是一個大家唔夠候既菜式.
食完魚, 來了一個羅漢齋. 雲耳, 椰菜, 麵筋, 炒埋一碟. 非常之簡單的住家菜菜式. 不過, 廚子開始重手了. 由呢一碟開始, 出來的東西越落越多油. 味道好但離不開傳統齋菜既惡習.
之後是勝瓜炒鵝肝腸. 勝瓜不是切開的, 而是拍開的, 食一些本身是爽脆的瓜, 把其拍開, 會容易保留味道. 那些素肉覺得只是點綴. 素鵝肝同素腸味道其實味道幾濃, 吊一吊味道吧. 始終都係勝瓜好食D.
又來了一個炸物, 是炸茄子. 茄子釀了素肉, 非常之香口. 不過茄子是吸油的, 呢道菜, 都係比較油. 我們更笑說是茄子天婦羅. 不過釀了餡, 當然有不同啦. 炸點一定係油左D架啦. 不過味道好, 炸得夠香口才是重點.
另外兩個菜. 一個時西籣花冬菇, 另一個是炒芥籣. 油多不怪. 傳統古法手藝之過. 食素, 不是不酒不辛不葷嗎. 食落兩道菜都有紹興酒味. 冬菇係香口, 不過係酒味濃烈左少少. 外母說其實不用落酒, 用靚既片糖也有這一種效果.
炒芥籣, 的確, 落一落酒會比較好食. 而且佛學清口之人. 飲酒當然是不行的, 但煮餸落酒, 各有各說法. 因為酒精已在煮食過程中揮發, 是沒有問題的. 芥籣雖有酒味, 但非常爽脆. 多油已經不怕. 最重要清淡.
白飯任食, 茶任飲. 成個dining hall 沒有冷氣. 只有天頂風扇幾把. 這就是係大自然食素菜既一種與別不同的風味.
飯後, 大家自由參觀寺院. 吸收一下新鮮空氣. 遊完寺院. 有行山的朋友打算更上一層樓, 沿衛奕信徑再上, 坐的士上來的朋友, 感覺到路途不遠. 決定徒步行返落山.
健康的大自然一天, 非常之舒服. 待入秋時, 再選好地方. 繼續行入深山, 為食入新界.
Post
