樂天皇朝 (Closed)

上次食完樂天經典之後，心思思想試埋樂天皇朝。咁啱今日約咗朋友去尖沙咀食飯，就毫不猶豫相約去樂天皇朝。個餐牌真係好多選擇，有好多野想試。醬醋海蜇頭海蜇頭好爽脆又好入味，海蜇頭都幾大塊，唔會碎濕濕。芝麻醬油麥菜完全冇諗過油麥菜可以生食㗎！超新鮮，冇草腥味，同芝麻醬超配，個味有d似羅馬生菜。心太軟女孩子必愛！紅棗好甜，中間粒湯圓軟硬度剛剛好，其實可以當甜品食。唔知自己係屋企整唔整到呢松子鮮果桂魚其實松子魚係小編爸爸媽媽最鍾意食嘅一樣餸，但係坊間好多都整得麻麻地。今次呢個松子魚個賣相真係好靚，條魚都算大條，個漿唔會太厚，炸得好脆，條魚又好新鮮，一啲腥味都冇！下次一定要帶爸爸媽媽嚟試吓四川水煮牛肉我哋叫咗個中辣嘅四川水煮牛肉，我覺得個辣度啱啱好（大概係譚仔米線嘅五小辣啦）。啲牛肉都整得幾滑，不過最正係嗰啲入晒味嘅薯粉，最初食第一啖都唔覺得好辣，第二啖就開始覺得有啲麻，啲薯粉嘅份量都幾多，其實可以當埋一份麵食。特色皇朝小籠包小籠包嘅賣相真係好吸引，每一個顏色都係唔同嘅味道，小編試咗個人蔘味小籠包，食落去真係有啲人蔘味，值得一試。今餐真係食得好開心又有好多驚喜，下次一定要帶一家老少嚟試吓